SISINDIRAN

Sisindiran Piwuruk

 

Nu sok hiber mah japati
nu di sawah apan meri
Mangkade sing ati-ati
sangkan salamet nya diri

Itu mah tangkal kiara
gigireun tangkal malaka
Jalma anu lalawora
bakal babari cilaka

Suku bareuh dibaluran
balurna dicampur ragi
Lamun ngarempak aturan
urang keneh anu rugi

Nyeuseuh baju jeung calana
rek dipoe sina tuhur
Hirup ulah sangeunahna
kudu ngahargaan batur